2019 жылдың ақпан айының 26-28 жұлдызы аралығында Қарағанды қаласында Есту қабілеті төмен мүгедек - спортшылар арасында жеңіл атлетикадан Қазақстан чемпионаты болып өтті. (ересектер, жастар, жасөспірімдер).
Осы айтулы жарыста Алматы қаласының атынан сынға түскен «Алматы» спорт клубының спортшылары 16 команданың ішінен, қашаннан қалыптасқан традициясын сақтай отырып жалпы командалық І орынды айқын басымдылықпен жеңіп алды.
Осы жарыста сынға түскен спортшыларымыз: Д. Лактионов 2 алтын, 1 күміс; Р.Абаканов 1 алтын, 1 күміс; А.Набоков 1 алтын; Р.Бадулин 1 күміс, 1 қола; Е.Рожкова 1 күміс; Н.Набокова 2 қола және аралас эстафетада командалық 1 орынды иемденіп командасына қомақты үлес қосты. Ал жасөспірімдер арасында сынға түскен М.Алагузов 1 алтын, 1 күміс 1 қолаға ие болса, А.Чурилина 1 қолаға қол жеткізді.
Жарыс жеңімпаздары мен жүлдегерлері ҚР Мәдениет және спорт министрлігінің Спорт және дене шынықтыру істері комитетінің арнайы дипломы және медальдарымен марапатталды.